وزیرِ اعظم محمد شہباز شریف نے اوورسیز پاکستانیوں کے لیے ترسیلات زر کی سہولت اسکیم (Workers’ Remittances Incentive Scheme) کو مستقل جاری رکھنے کا فیصلہ کیا ہے۔
انہوں نے وزارت خزانہ کو اسکیم کے لیے فوری فنڈز جاری کرنے کی ہدایت دیتے ہوئے اس اقدام کو قومی ترجیح قرار دیا ہے۔
انہوں نے اس موقع پر کہا کہ اوورسیز پاکستانی ہماری طاقت اور ملک کا قیمتی اثاثہ ہیں اور ان کی کما کر بھیجی گئی ترسیلات زر نے نہ صرف امپورٹ بل کی ادائیگی میں مدد کی بلکہ زرمبادلہ کے ذخائر میں بھی اضافہ کیا
انہوں نے کہا کہ روان مالی سال میں ملک نے 14 برس کے دوران پہلی بار کرنٹ اکاؤنٹ سرپلس حاصل کیا۔